venres, 31 de xaneiro de 2014

Celebración do Día da Paz e da Ilustración

Así transcurriu a mañá do xoves. Esta foi a nosa particular celebración do Día da Paz e do Día da Ilustración.

Non esquezades que ambas as dúas presentacións fotográficas levan os seus pés de foto...

MÚSICA E POEMAS POLA PAZ



EXPOSICIÓN NOVIDADES NO FONDO DE ILUSTRACIÓN 

mércores, 29 de xaneiro de 2014

30 de Xaneiro, Día da Ilustración

Celébrase este ano, por primeira vez, o Día da Ilustración. A data elixida é o día 30 de xaneiro coincidindo co nacemento de Castelao. O obxectivo é poñer en valor este sector no noso país.

Velaí tedes unha pequena mostra do que se está a facer dentro e fóra do pais... Clicade na imaxe!

http://www.pinterest.com/lolylago/illustrators-illustrations/

"Non están todos os que son, pero son todos os que están

Non deixedes de facer un pequeno percorrido polo listado de ilustradores da AGPI 

 Cartel obra de Miguelanxo Prado
 

domingo, 26 de xaneiro de 2014

Escolma Poética Pola Paz

Ás de Paz

Con motivo da celebración do Día da Paz, o vindeiro xoves 30 de xaneiro, dende O Segrel queremos levar a cabo a actividade "Ás de Paz" na que esperamos que se impliquen os membros da nosa comunidade educativa.

A idea, que nos achegou o noso admirado Antón Cortizas, consiste en fabricar avións con papel de cores e nas súas ás escribir a estrofa dun poema pola Paz. Deixaremolos nunha caixa que para tal efecto colocaremos na Biblioteca e, o Día da Paz, cada un dos participantes na celebración "Música e Poemas pola Paz" terá como agasallo un deses avións de papel. 

A música correrá cargo de Sergio Malvar, alumno de 4º de ESO, que nos acompañará co violín.

Esperámosvos na Biblioteca ás 10.05 e ás 12.05

Estades todos invitados.

E se queredes adentravos no mundo do "Origami" podedes descargar gratis "Papel, Piel y Palabra" Plegados de Daniel Naranjo 
Related Posts with Thumbnails